لما كنت نايمة

امبارح لما كنت نايمة حلمت حلم غريب (خير اللهم اجعلة خير)حلمت انى غمضت عينى وصحيت لاقيت نفسى قال اية فى بلد غير البلد وان البلد اللى انا فيها اسمها المعدولة وان البلد دة كل الاطفال بيتعلموا فى المدارس وان المدراس دي على اعلى مستوى وان فيها كل الامكانيات اللى بتساعد العيال الصغيرة علشان يكونوا فى من الايام مفكرين وعلماء وحاجات كدة نظيفة بس من غير طبعا من صدرهم للبلاد التانية علشان يتعلموا فيها (اصل كل الامكانيات موجودة فى المعدولة طبعا بعد ماكانت مقلوبة)ومشيت فى الشوارع
علشان ادور على اطفال الشوارع (اللى كنا بنتكعبل فيهم فى شوارع المقلوبة سالت الناس اللىكانوا مختلفين تماماعن الناس التانيين فين العيال الصغيرة اللى كانوا بيناموا على الرصيفوالدوريات بتجرى وراهمعلى انهم مجرمين ردوا الناس عليا وقالوا ان المعدولة عملت قرية كبيرةةةةةةةة قوى وجمعت فيها كل الاطفال وانهم بيتعلموا هناك احسن تعليم واللى مش عايز يتعلم بيتعلم صنعة تنفعة بدل الشارع مشيت وفرحت قوىىىىىىىىى انهم لموا العيال دى من الشارع(طبعا كل دى كان فى الحلم )وكملت طريقى وشوفت حاجة غريبة قوى ان الشوارع بقيت نضيفة قوى وكل ما امشى الاقى سلة زبالة وان الهواء نظيف ونقى ومفيش عوادم خالص خارجة من العربيات(قصدى الدخان الاسود اللى كان بيكتم النفس وكان شبة السحابة السودة) كملت فى طريقىوقلت سبحان مغير الاحوال وبصيت شمال ويمين ملقيتش القهاوى واللى كانت مليانة بشباب الجامعات اللى مش لاقين شغلانة يعملوه وسالت وعرفت ان المعدولة قضت على البطالة تماما وان مفيش ولا شاب مش شغالوان الشباب فى الجامعات بيخرجوا وهما ضمنين وظيفة فى مجال تعليمهم من غير محسوبية ولا وساطة وانهم اتلغوا من زمانننننننن قوى قلت يا دى الحياة فى المعدولة جميلة قوى والدنيا حلوة وانا فى وسط الحلم كان معايا ورق من زمان عايزة امضية من مسئول فى الوزارة ولاقيتها فرصة علشان اعرف شكل الوزارة فى المعدولة وراحت ولاقيت حاجة جامدة قوى وهى ان كل الموظفين قاعدين على مكاتبهم وبيشتغلوا بجد ومالاقيتش ولاموظف بيحل الكلمات المتقاطعة ولاموظفة بتجهز الاكل للاسرة الكريمة فى الشغل وان كل الموظفين بيجموا فى مواعيد العمل الرسمية وفى غمضة عين مضيت الورق اللى كان معايا وكان نفسى يبقى معايا كل الورق اللى نفسى امضية فى حياتى علشان امضية واخلص حتى شهادة وفاتى كان نفسى اطلعها بالمرة وخرجت من الوزارة وانا مش مصدقة اللى انا فية ومشيت فى الشوارع لاقيت ان المرور فى اجمل منظر والاشارات شغالة الكترونى ومحدش بكسر الاشارة والبلد ريقة ومفهاش اى زحمة(اة حلم) وانا ماشية فى شوارع المعدولة لاقيت بتاع الجرايد قمت اشتريت من الجرنال علشان اعرف اخبار المعدولة لاقيت اخبار جمدة قوى (القبض على المعدول الفاسد الذى هرب باموال البلد للخارج),(هبوط حاد فى اسعار اللحوم والاغذية فى الاسواق المعدولة ),(الغاء القوانين من الدستورالمعدول) وغيرها من الاخبار الجامدة واللى بدل على زيادة حرية الصحافة المعدولة فعلا.
بس للاسف المنبة اللى مش معدول صحانى من النوم لاقتنى ببصى حوليا لاقتنى فى نفس المكان (محلك سر من غير تغير).
والى اللقاء فى البلد المعدول وحلم جديد بس على ارض الواقع

يارب عفوك ورضاك

يارب سامحنى يارب انا عارفة انى غلطت فى حقك كتير قوى لكن غصب عنى اللهم انك عفوا كريم تحب العفو فاعفو عنى يارب فى اشياء كتيرة جوة قلبى بتتعبنى لكن مبعرفش اعمل اي حاجة فيها ولا حتى اتصرف فيها ازاى لكن مش عارفة برضة اعمل اية انا مخنوقة جدا ولا ادرى من ماذا ؟
بحس دائما انى لوحدى ومش معايا حد حتى وانا مع ناس كتير بكون مش شايفهم ولا حاسة انهم معايا حتى وانا معايا كل شى بحس انى فقدت كل شى وفى اسعد لحظات حياتى واجملها بكون من جوايا مش فرحانة ولا مبسوطة كل حاجة عندى بقت شبة بعضها ومش فارق معايا الحزن من الفرح انا بجد تعبانة قوى ومحتاجة اتكلم ولكن مش لاقية حد اتكلم معاة وكانى بتكلم مع نفسى جربت كتير انى اتكلم مع نفسى لكن حسيت انى هوصل للجنون كل اللى حواليا بيفتكروا انى علشان بضحك انى عادية ومفيش حاجة بتضيقنى مع انى بكون من جوايا بموت ومحدش حاسس بيا
دائما بحس انى فى حاجة ضيعة منى ومش لاقيها ونى مش عارفة افكر وكل حاجة جوايا متلغبطة يارب ساعدنى علشان اقدر الاقى نفسى من جديد واعرف انا عايزة اية من حياتى وانا عايشة لية و حاسة انى تيهة من نفسى وانها ضاعت منى يارب ارجع زى ما كونت وافهم نفسى مرة تانية .
حين تضيق نفسك يوما ويحزن قلبك ساعة, ويظهر لك ضعفك ,وعجزك فالهج فى ضراعة هاتفا ...يارب .
حين تسلك الطرق فتجدها قد سدت وتطرق الابواب فتجدها قد اغلقت فاعلم ان ربك ما سد عليك الابواب الا لتطرق بابة وقطع عنك الحبال كلها لتعتصم بحبلة ولانة فى شوق لسماع ندائك ......... يارب
يارب ساعدنى على نفسى, اللهم انى الجا اليك يارب لانى اعلم انى لا اجد السكون والامان والراحة مما فى نفسى الا بقربى اليك فاعنى على الاقتراب منك يارب

اللون الاحمر

اللون الاحمر يعبر لدى الكثير من البشر عن الحب والتفاؤل لدرجة ان الناس بيقدموا لبعضهم كدليل على الحب صحيح ممكن يكون الون الاحمر لون الحب(وعشان كدة الدنيا كانت حمرة فى عيد الحب)، انا بيقى بشوف اللون الاحمر من ناحية تانية صحيح ممكن ناس كتير متوافنيش فى نظريتى (بس خدونى على اد دماغى)المهم انا شايفة يعبر عن الدم والقتل الذى اصبح سمة العصر اللى اتعودنا عليها كل يوم لما تفتح التلفزيون وعلشان تشوف اية اللى بيحصل فى الدنيا تلاقى اول حاجة بيقولها المذيع لقد قتل حوالى خمسين او يعنى ستين واحدعلى الماشى اما المصابين فلا حصر لهموطبعا بعد ماتسمع دا لازم تفقل التلفزيون وياعينى لو فكرت تمسك الجرنال برضوا هتلاقى اخبار كلها باللون الاحمر وكأن المجتمع كلة بيقى احمر(طبعا مش من الحب )وادينا كل شوية نسمع عن واحد قتل اخوة وابوة وامة كمان وشوية نسمع ان السيد التوربينى اللى قتل ثلاثين طفل بس وبعديها سفاح كرموز عفوا قصدى المعادى اصلى من كتر السفاحين بيقيت اتلغبط وهو كمان شغال قتل (عفوا هو بيضرب ويجرى بس) المهم ان الواحد بعد كدة هيبطل يمسك جرنال او يفتح التلفزيون ،الادهى من كدة ان الجرائدلاقيت الناس مش شبعانة من الجرايم قاموا عملوا جرايد متخصصة فى الحوادث وبس لشان يعرفوا الناس اد اية احنا جرايمنا قليلة خالص .
اخر حاجة انا عايزة اقولها ان انا بيقيت بجد حاسة انى عايشة فى غابة كل الناس اللى فيها (صحيح مش كلهم بس شوية كتير) بيموتوا بعض وانا مش عارفة بجد الانسان الطيب من القاتل ياريت حد يقولى انا صح ولا لا