نقطة ماء ...تساوى موت

نقطة ماء ...تساوى الموت

دائما نقول ان نقطة المياة تساوى حياة ولكن الان اصبحت نقطة المياة تساوى تسسمم واملاح وغيرها من الامراض وطوال عمرنا نعرف ان المياة ليس لها لون ولكن الان نرى المياة لونها ابيض ويقولوا دا كلور لزوم
تنقية المياة معنى كدة انا احنا بنشرب مياة ملوثة 0
ومن اجمل المناظر اللى شوفتها ومش قادرة انسها الزبلة اللى مغطية جوانب نهر النيل وفوقها ورد النيل بشكلة الجميل صراحة منظر فى منتهى النظافة وان المياة اللى احنا بنشربها اخر نظافة وان الجهات المختصة حريصة دائما على تنظيف المياة وان احنا عايشين فى عصر النظافة ،(يا جماعة ارحموا النيل وارحمونامعاة)0
ولو القينا نظرة اكثر تعمق على نهر النيل (شريان الحياة )سنجد انة مليان بجميع انواع المخالفات من كيمائية وومخالفات السفن وزبالة المصانع،
اللى سيبين مرشحات المصانع على النيل من غير أى رقابة ولاحساب والادهى من ذلك الحيوانات اللى بتترمى فى المياة واللى طبعا بتتحلل فى المياة اللى احنا بنشربها يالة اصل اللى بيشربوا المياة دى مش من الناس المهمة ومش فارقة يموتوا ولا يتسسموا ،واهو الناس الغلابة راضين وبيشربوا المياة وهما سكتين ، ولكن توصل ان الصرف الصحى يتخلط بالمياة والناس تموت يبقى شى ما ينفعش نسكت عليه ولابد لجميع الجهات ان تتحرك وتنقذ الناس اللى لسة هتموت وحرام عليكوا ارحمونا وزى مانتوا عايزين تعيشوا وزى مانتوا بتشربوا مياة نظيف الناس الغلابة نفسهم يشربوا مياة نظيفة وكفاية كدة 0

واخر حاجةاقولها للناس الغلابة معلش تعالوا على نفسكم واشتروا فلاتر يمكن تنظف المياة اللى ما بتنطفش لان من الواضح اننا بنادى فى مالطة ولا حد هيستجيب لناوسيظل الحال كما هوا علية الى ان تاتى لنا نجدة من السماءوتنقذنا من اللىاحنا فية طالما ان ما فيش رقابة ولا ضميرعلى الارض0